Алматыдағы сауда орталығында Түркия азаматы 4 жасар қызды теуіп жіберді

Алматыдағы сауда орталығында Түркия азаматы 4 жасар қызды теуіп құлатқан, деп хабарлайды Taulik.kz ulysmedia.kz-ке сілтеме жасап. Алматы облысы ПД басшысы Бауыржан Аленов жұрттың наразылығын тудырған оқиғаның егжей-тегжейін айтып берді.

«Ағымдағы жылдың 23 шілдесінде Қарасай ауданының Полиция бөліміне сауда, ойын-сауық орталығында оның 2019 жылғы қызына дене жарақатын келтірген белгісіз адамға қатысты шара қабылдау туралы 1996 жылғы К. есімді азаматша арызданды. Дерек ҚР ҚК 293-бабының 1-бөлігі (бұзақылық) бойынша аудандық полицияда тіркелді. Жедел-іздестіру іс-шарасы барысында тәртіп сақшылары 1998 жылғы Түркия Республикасының азаматын анықтап, полицияға жеткізді. Күдікті жауап алу барысында оқиғаны баяндап, өз кінәсін толық мойындады» делінген хабарламада.

Оқиғаның Aport ойын-сауда орталығында болғаны хабарланды.