Астанада 58 жастағы ер адам парашютпен секіру кезінде ауыр жарақат алып қайтыс болды, деп хабарлайды Taulik.kz. Оқиғаның мән-жайын Астана қалалық полиция департаменті айтып берді.
"31 шілдеде Алматы аудандық ПБ кезекші бөліміне қалалық көпсалалы аурухананың жансақтау бөлімінде науқастың қайтыс болғаны хабарланды. 58 жастағы ер адамды Астана - Көкшетау тасжолында орналасқан парашютшілер клубынан жедел жәрдем каретасы алып кеткен. Ол жансақтау бөліміне ауыр жарақатпен түскен", - деді ПБ өкілдері.Аталған іске қатысты сотқа дейінгі тергеу шаралары басталып, сот-медициналық сараптамалар тағайындалды.