Бүгінгі таңда ұрлықтың барлық түрлерінің төрттен бір бөлігі пәтер ұрлығы, бірақ дәл осы қылмыстар иелеріне айтарлықтай материалдық және моральдық зиян келтіргендіктен азаматтардың қауіпсіздігі мен жайлылығының жалпы деңгейіне теріс әсер етеді, деп хабарлады Taulik.kz Azattyq Ruhy агенттігіне сілтеме жасап.
ҚР ІІМ КПД аса маңызды істер жөніндегі аға жедел уәкілі Әсет Жүкенов осыған байланысты құқық қорғау органдарына осы қол сұғушылықтардың алдын алу және оларды ашу бойынша ерекше міндеттер жүктелгенін айтты.
«Қабылданып жатқан шараларды жетілдіру мақсатында ішкі істер министрлігі бірқатар ұйымдастырушылық және заңнамалық бастамаларды іске асыруда.Ұрлыққа қарсы іс-шаралар кешенін көздейтін мүлікті қорғау бойынша ІІМ ведомстволық бағдарламалары кезең-кезеңімен іске асырылуда, оның шеңберінде тұрғын үйлердің аулаларында 68 мыңнан астам бейнебақылау камерасы орнатылған, ал 22 мыңнан астамы тұрғындардың бастамасымен жабдықталған. Күн сайын пәтер ұрлығын жасау әдісі, тәсілі, уақыты бойынша талдау жүргізіледі, оның нәтижелері бойынша полицияның патрульдік нарядтарының қозғалыс бағыттары қарастырылады», - деді ол.Жүкенов атағандай, ашылған қылмыстар тәжірибесінен пәтер ұрлығын қайта қылмыс жасаған және жәбірленушілермен татуласу арқылы жауапкершіліктен бас тартуға мүмкіндігі бар адамдар жасайтындығы анықталды.
«Осы жағдайды ескере отырып, Қылмыстық кодекске бірнеше рет ұрлық жасау және үй-жайларға заңсыз кіріп ұрлық жасау қылмыстың ауыр түрлеріне жататын өзгерістер енгізілді, ол үшін мүлкі тәркіленіп, 7 жылға дейін бас бостандығынан айыру жазасы көзделген.Жергілікті атқарушы органдармен және сауда объектілерінің әкімшіліктерімен бірлесіп ұрланған мүлікті сатып алу және өткізу фактілеріне жол бермеу жөнінде шаралар қабылдануда», - деді ол.