Алматы 2026 жылы ТМД-ның спорт астанасы болады

Алматы үш жылдан кейін ТМД-ның спорттық астанасы мәртебесін алады, деп хабарлады Taulik.kz. Бұл туралы РФ спорт вице-министрі Алексей Морозов ТМД елдерінің дене шынықтыру және спорт жөніндегі кеңесінің отырысының қорытындысы бойынша мәлімдеді.

"Кеңес отырысында біз 2025 жылы Әзербайжанның Гянджа қаласына, 2026 жылы Қазақстанның Алматы қаласына «ТМД-ның спорт астанасы» атағын беру туралы бірауыздан шешім қабылдадық"- деді Алексей Морозов.

Ресейлік шенеуніктің айтуынша, қалада әлемдік және континенттік деңгейдегі ірі спорт жарыстары бірнеше рет өткендіктен, таңдау Алматыға түскен.