Тағы бір сала қызметкерлерінің жалақысы өседі

Алматыда хайуанаттар бағы, цирк және театр қызметкерлерінің жалақысы 30% өседі, деп хабарлайды Taulik.kz Қазіргі таңда жалақысының орташа деңгейі 138 мың теңгені құрайтын мәдениет саласы қызметкерлері. Тамыз айынан бастап хайуанаттар бағы, цирк, қуыршақ театры, "Алатау" дәстүрлі өнер театры, мемлекеттік мұрағат, кітапхана, музейлер бірлестігі, "Алматы әуендері" қызметкерлерінің жалақысы 30% өседі. Қазіргі уақытта мәдениет саласы қызметкерлері жалақысының орташа деңгейі 138 мың теңгені құрайды. Алматы мәдениет басқармасының хабарламасына сәйкес, жас білікті кадрлардың жұмыстан жиі кетуінің себебі жалақы мәселесі болған.

"Жалақыға байланысты жас мамандар жұмыстан жиі кетеді және бұл өз кезегінде жас білікті кадрларды тәрбиелеуді қиындатады. Сондықтан Алматы қаласы мәдениет басқармасының ұйымдары, кәсіпорындары қызметкерлерінің лауазымдық жалақыларына ынталандырушы үстемеақылар белгілеу мәселесі Алматы қаласы мәслихатының қарауына ұсынылды", – деп мәлімдеді Алматы мәдениет басқармасы.