Экс-президент Нұрсұлтан Назарбаевтың көлігі үшін 222 миллион теңгеге сатылымға шығарылды, деп хабарлайды Taulik.kz Orda.kz сайтына сілтеме жасап.
Қазақстанда автокөліктерді сату бойынша танымал сайтта бірегей ұсыныс пайда болды - Қазақстанның тұңғыш президентінің көлігі сатылымға шықты. Эксклюзивті көлік бағасы 222 млн теңге.
Mercedes 600 SEL (Sonderschutz) GUARD B7 конвейерден 1993 жылы шыққаны, оған Германиядағы зауытта арнайы тапсырыс берілгені және мемлекет басшылары үшін жасалған автомобильдер тізбегіне кіретіні белгілі.
«Көліктің зауыттық брондалған капсуласы бар, бұл оны бірегей антиквариат қана емес, Қазақстан тарихының бір бөлігі етеді» деп жазады жарнама авторы.
Сатушы брондалған капсула Калашников автоматы мен снайперлік винтовкадан атылған оққа төтеп бере алатынын, сонымен қатар көлікті жарылғыш құрылғылардан қорғайтынын атап өтті. Автокөлікте өрт сөндіру жүйесі және газ багы арқылы атудан қорғаныс бар.
«ContInental CTS 265-40 R500 арнайы шиналарының ішінде доңғалақтар атылып кетсе де, қашып құтылуға мүмкіндік беретін қосымша жиегі бар. Мұндай көліктің бағасы қанша болса да, өмір одан да қымбат» деп сипаттама берілген.
Хабарландыру авторы дәл осындай Мерседес Грузия президенті Эдуард Шеварднадзенің өмірін сақтап қалғанын айтады. Оның көлігіне гранатомет пен ауыр пулеметтермен оқ атылған, дегенмен ол зардап шеккен жоқ. Ресей президенті Владимир Путиннің де осындай көлігі болған. Ол жеке тұлғаға 1,3 миллион еуроға сатылды.
