Таразда «Қаңтар ісі» бойынша сотталғандардың жазасы өзгертілді

Таразда сотталған төрт адамның үшеуіне тағайындалған жаза өзгертілді, деп хабарлайды Taulik.kz. Еске сала кетейік, 28 сәуірде Таразда сот Ербол Жұмановты 16 жылға бас бостандығынан айырған болатын. Оған "қаруды заңсыз иеленіп, билік өкіліне күш көрсетті" деген айыппен соттаған. Жаппай тәртіпсіздікті ұйымдастырды деген айыппен Нұрахан Махатов 6 жылға, Жақсылық Абдуллаев пен Айбол Сағынтай 5 жылға соттаған.  Ulysmedia жазуынша, апелляция соты Жұмановтың үкімін өзгеріссіз қалдырды. Ішінара қылмысын мойындады деп қалған үшеуінің жазасын 4 жылға дейін қысқартты.