Әйгілі Тото Кутуньо өмірден өтті

Белгілі италиялық әнші, композитор Тото Кутуньо 80 жасында қайтыс болды, деп хабарлады Taulik.kz. Әнші Миландағы Сан-Рафаэль ауруханасында онкологиялық сырқатынан көз жұмған. Ісік жойылғаннан соң әртіс ұзақ оңалту курсынан өтіп, қайтадан сахнаға оралған болатын. Бірақ, ол оралуы ұзаққа созылмады. Денсаулығы күрт нашарлап, 81 жасқа таяған шағында дүниеден озды. Әншінің L’italiano, Buonanotte әндері тек Италияға ғана емес, сондай-ақ шет мемлекеттерде де кеңінен танымал.