Алматылық кәсіпкер 17 әйелді әдейі жұмыстан шығарып, басқа жұмыс берушілерді өзінің жолымен жүруге шақырды. Адвокат Жанна Мухамади жұмыстан босатылған қызметкерлерге сотқа жүгінуге кеңес берді, деп хабарлайды Taulik.kz сайты NewTimes.kz-ке сілтеме жасап. Видеоны Ақжол Талғатұлы өзінің Instagram парақшасында жариялады. Сонымен қатар ол өзін «Ken Group» негізін қалаушы ретінде таныстырды.
«Компаниямда бұрын 22 адам жұмыс істеді, қазір 5 адам ғана қалды ‒ барлығы ер адамдар. Бұл әйелдерді шектеу ме, әлде олардың құқықтарын шектеу ме? Жоқ. Сіздер білесіздер, мен «әйелдерге ақша табудың қажеті жоқ» дегенді ұстанамын. Ер адамдар ақша табуы керек. Әйелдер одан да жоғары құрметке ие. Енді қараңыз, мен әйелдерді жұмыстан шығарып жібердім. Мүмкін сіз олар басқа жерде жұмыс істейтін шығар деп ойлайтын шығарсыз. Бірақ, біліңіз, бір адам бұл процесті бастауы керек болды. Менің қыздарды жұмыстан босатқаным, олардың жадында сақталуы керек. Жұмыс істемеңіз, сіз одан да жақсыға лайықсыз», ‒ деді кәсіпкер.Ол өзі қабылдаған шешімнің белгілі бір флешмобтың бастауы болғанын қалайды. Жұмысқа ер адамдар ғана алынуы керек, өйткені әйелдердің өмірге келгендегі мақсаты басқа. Адвокат Жанна Мухамади жас кәсіпкердің мәлімдемесіне жауап берді. Facebook-тегі парақшасында ол жас жігіттің позициясын тәлібтердің көзқарасымен салыстырды.
«Жұмыстан шығып қалған қыздарды тауып, кәсіпкерді конституциялық құқықтарды бұзу фактісі бойынша сотқа бергім келеді. Өйткені «тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге деген көзқарасына, нанымына, тұрғылықты жеріне байланысты ешкімді кемсітуге болмайды», - деп жазды адвокат.Сонымен қатар Жанна Мухамади өтініш берушілердің өздері болмаса, әйелдерді кемсіткені үшін кәсіпкерге талап қоя алмайтынын атап өтті. Видеоны осы сілтеме арқылы көре аласыз.