Отандық танымал блогер әрі актриса Айжұлдыз Адайбекова өзінің сүйіктісі, экстрим-блогер Сәкен Қағаровпен мешітте неке қидырды, деп хабарлайды Taulik.kz.
Айжұлдыз әлеуметтік желідегі парақшасында некелесу рәсімінен үзінді видео жариялап, оған: "Әрекет пен дұға түбі береке. 24.01.2025. Ерлі-зайыпты" деп жазба қалдырған.
Желі қолданушылары блогерді құттықтап, ақ тілектерін білдіруде. Олар: "Құттықтаймыз!", "Мәңгілік бақыт тілейміз", "Некелерің баянды болсын", "Бақытты болыңдар!", деп жылы лебіздерін жазған.
Айта кетейік, бұған дейін Айжұлдыз Адайбекова Сәкен Қағаровпен қарым-қатынасын жария етіп, көп ұзамай сүйіктісінің оған үйленуге ұсыныс жасағанын да бөліскен болатын.
