Зеленский Ресей әскерін елден кетіруге сөз берді

Зеленский Ресей әскерін елден кетіруге сөз берді Украина тәуелсіздігіне - 31 жыл толғанымен, Киевте жылдағыдай әскери парад өтпеді. Мемлекет басшысы Владимир Зеленский мен зайыбы Украинаның бостандығы жолында жанын пида еткен құрбандарға тағзым етті, деп хабарлайды Taulik.kz сайты. Зеленский Ресей армиясын Украинадан қайтсе де толық аластатуға уәде берді.

«Ақыры біріктік. Ақпанның 24-де халқымыз қайта дүниеге келді. Ол жыламады, үрейленбеді, қашпады, берілмеді, ұмытпады. Біз үшін Украина - тұтас. Барлық 25 облыстың ешқайсысы берілмейді. Бұл мәселеде ымыра жоқ. Біз ондай сөзді білмейміз де. Донбасс - Украина. Алдағы жол қанша қиын болса да, біз оны қайтарамыз. Қырым да - Украина. Оны да қайтарамыз!» - деді ол.