Айсұлтан Назарбаевты еске алу турниріне Дариға Назарбаева қатысты

Елордада футболдан Айсұлтан Рахатты еске алу турнирі өткен. Жыл сайын ұйымдастырылатын турнирдің жеңімпаздарына Дариға Назарбаева сыйлықтар үлестірген, деп хабарлайды Taulik.kz КТК телеарнасына сілтеме жасап.    Нұр-Сұлтан, Алматы, Қарағандыдан келген 9-11 жас аралығындағы жас спортшылардың жарысы “Астана Арена” стадионында өткен. Жарысқа 150-ге жуық бала келген. Екі күнге созылған турнирде  "Астана" балалар футбол клубы жеңіске жеткен. Турнирдің күміс жүлдесін  Қарағандылық "Шахтер" командасы, ал қола жүлдені алматылық "Қайрат" жеңген. Телеарнаның сюжетінде Қазақстанның экс-президентінің қызы Дариға Назарбаеваның жүргенін көруге болады. Ол жарыста жеңіске жеткен балаларға сыйлықтар беріп, бірге естелікке суретке түскен.

Taulik.kz