АҚШ президенті Джо Байден сейсенбіде 91 жасында қайтыс болған, КСРО-ның бұрынғы басшысының қайтыс болуына байланысты көңіл айтты. «Ол билікке келген кезде «қырғи-қабақ соғыс» жалғасып жатқанына 40 жыл, ал коммунизм салдары одан әрі асып жығылып жатқан кез еді. Кейбір кеңестік үкіметтің жоғары мінбедегі шенеуніктері ерлік танытып, бірдеңені өзгерту керек екенін түсінді. Халықаралық сенат Комитетінің мүшесі ретінде мен оның бұл қадамын және басқа да істерін өз көзіммен көрдім. Бүкіл әлемдегі ядролық қару бәсекелесінің тоқтауын тілеген халықтың тілегіне үміт сыйлау үшін, болашақ КСРО көшбасшысы ретінде ол президент Рейганмен бірге екі елдегі ядролық арсеналдардың азаюына күш салды. Онжылдыққа созылған репрессия саясатынан кейін ол демократиялық реформа жасады. Ол қаншама жыл оқшау қалған Кеңес одағындағы халықтың арманын сөз жүзінде емес, іс жүзінде іске асыруға, қайта жаңғыртуға болатынына сенді», - делінген Байденнің мәлімдемесінде. «Өзінің бүкіл карьерасын мақсатына жету үшін құрбан ететін әрі тәуекелге барып, болашақты өзгертуге болатын жолды көру – санаулы көшбасшыға тән әрекет. Нәтижесі миллиондаған адамның еркін әрі қауіпсіз өмір сүруіне апарды. Тіпті мансабынан кеткеннен кейін де ол жұмысбасты болды. Горбачев мырза 2009 жылы Ақ үйге келген кезде біз онымен кездесіп, АҚШ пен Ресей арасындағы ядролық арсеналдарды азайтуға қатысты көп әңгімелестік. Сол кезде-ақ, оның бүкіл әлем неге сонша биік бағалайтынын көруге болатын еді», - дейді АҚШ президенті.
«Санаулы басшыға тән әрекет» – Байден Горбачев туралы
«Санаулы басшыға тән әрекет» – Байден Горбачев туралы
