«Арнайы миссия»: ЕО елдері өзара Украина әскерін жаттықтыруға келісті

ЕО елдері өзара Украина әскерінің дайындығына арналған арнайы миссия құрылғанын мәлімдеді. Бұл туралы Прагада өтіп жатқан ЕО-ның ресми емес кездесуінде Жозеп Боррель айтты.

«Мәселе тек соғыс жағдайы ғана емес, жалпы соғыс қалай жүріп жатыр, міне, дәл осы бойынша әскерилер оқу-жаттығу жүргізеді» – деді Боррель.

Оның айтуынша, ЕО елдері бұған дейін де және қазір де Украинаға көмектесіп жатыр. Сондықтан әскерилердің координацияларын жақсарту мақсатында да жұмыстар жүргізу керек деп санайды. Жалпы арнайы миссияның қалай жүзеге асатыны туралы айтылмады. Болжамға сүйенсек, Украина қарулы-күштері көрші ЕО елдерінде жаттығудан өтуі мүмкін.