«Әжеміздің үйіне жүгірдік. Өрттің алдын алуға бола ма екенін көру керек болды. Өртті көрген кезде қай үйге баратынымызды білмедік, бәріне көмектескіміз келді. Айналамызда ғимараттар өртеніп жатты. Біз сөндірдік. Қауіпті барынша азайтуға тырыстық. Айналада өртеніп жатқан жерлер көп болды. Ондай кезде кімге көмектесетініңді білмей қалады екенсің. Негізгі мәселе – судың жетіспеушілігі болды, сонымен қатар біз су бар жердің қайда екенін білмедік», – дейді Михаил.Жігіттің айтуынша, олар жанып жатқан үйлерде газ баллондары жарылып немесе сұйық жанғыш ыдыстар жануы мүмкін деп қауіптенген.
«Жарылыстың қайда болатынын білмедік. Үйлерде бензин, дизель отыны, керосиннің қайда тұратынын білмедік. Өзімізді ойламадық. Адамдардың өртеніп жатқан үйлерін сөндірдік. Жанымызда тағы бір көршіміз болды», - дейді жігіт.Михаилдің айтуынша, олар інісімен қолдарынан келетін өртті сөндіруге тырысқан. Сөндіру мүмкін емес тұрғын үйлер жанған күйінде қалған.
«Адам өртті жеңе алмайды. Жанып жатқан бес үйді сөндіргеннен кейін інім екеуміз ауылға қарай жүгірдік. Бұл ерлік емес. Ауылдың басқа бөлігінде бізбен бірге басқа да жігіттер болды, олар жалынмен күресуге қорықпады. Басқаларға көмектесу үшін ауылда су толы шелектермен жүгіріп жүрдік. Біз ғана емес, жас жігіттердің көбі өртті сөндіруге тырысты. Содан кейін арнайы техника келді. От үйден-үйге көшіп, өте тез жылдамдықпен жайылып жатты. Үйлер көз алдымызда өртенді. Таңғы 5-6-ға дейін өрт сөндірдік. Басқаша істей алмадық. Адамдарға көмектескіміз келді», - дейді Михаил.
Taulik.kz
