Бәйдібек ауданының фермері Аманолла Айтаханов бір қойды 40 мың долларға (шамамен 19 млн теңге) сатқан. Бұл туралы кәсіпкер Түркістан облысының әкімі Дархан Сатыбалдыға айтып берді, деп хабарлайды Taulik.kz сайты Otyrar.kz-ке сілтеме жасап. Шаруаның айтуынша, жақында ол гиссар тұқымды қошқарды пәтер құнына тең бағаға сатқан.
«Маған бизнесімді дамытуға грант бөлінді. Иә, мен бір қошқарды 40 мың долларға саттым. Оны Сарыағашта тұратын адам сатып алды. Қошқардың салмағы шамамен 200 кг. Әлі де сатылатын қошқарлар бар, олардың құны 20 мың доллардан кем емес», – деді фермер.
Taulik.kz