Патшайыммен қоштасу рәсімінде оқыс оқиға болды

Англия патшайымы II Елизаветамен қоштасу рәсімінде оқыс оқиға орын алды, бұл туралы tauli.kz сайты "Известияға" сілтеме жасай отырып жазды. Оқыс оқиға патшайымның денесі салынған табытты Шотландия астанасы Эдинбургке апарар жолда орын алған. Жол бойында патшайыммен қоштасу үшін жиналған көпшіліктің арасынан бір жас жігіт ханзада Эндрюді балағаттаған. Нақтырақ айтқанда: "Сен ауру қариясың!" деп айқайлаған. Полиция наразылық танытқан жігітті тұтқындады. Айта кетейік, Ханзада Эндрю кәмелетке толмаған жасөспірім қызбен қарым-қатынаста болды деп айыпталып, күдікке ілінген болатын. Сол себепті, ол патша өкілеттігінен айырылған. Тіпті аза тұту кезінде оның әскери форма киюуіне тиым салынған.