Желіде Нұр-Сұлтан қаласында бұрынғы депутат Бекболат Тілеуханға тиесілі болуы мүмкін жеті бөлмелі пәтердің сатылымға шыққаны туралы хабарландыру тарап кетті, деп хабарлайды Taulik.kz сайты Arbat Media-ға сілтеме жасап.
Қазір Түркияда тұрып жатқан Бекболат Тілеухан елорданың сол жағалауындағы қымбат пәтерін сатуды ұйғарған болуы мүмкін. Пәтердің бағасы – 160 миллион теңгеге жуық.
Krisha.kz сайтында жарияланған хабарландырудағы фотосуреттер саясаткердің әлеуметтік желідегі жеке аккаунтындағы суреттеріне ұқсас.
Пәтер жеті бөлмелі: жуынатын төрт бөлме, үш гардероб, асхана, үш балкон және лоджия. Үйдің жалпы ауданы шамамен – 350 шаршы метр.
Сатуға шығарылған пәтер жайында Бекболат Тілеухан әзірге пікір білдірмеді.
Taulik.kz