Төтенше жағдайлар министрі Юрий Ильин Қазақстанда қыркүйектің басында болған дала өртінің себептерін айтып өтті, деп хабарлайды Taulik.kz сайты.
«Жаз мезгілінде жауын-шашынның едәуір көп мөлшерде жаууы, шөптің өсуіне ықпал етті. Оған қоса жаздың соңғы күндері, күздің басындағы құрғақшылық кезеңімен тұспа-тұс келіп, күрт жылыну әсер етті. Оған қоса адами фактор да рөл ойнады. Мен қасақана өртеу туралы айтып отырған жоқпын. Бұл прокуратура мен тергеу органдарының ісі. Адами фактор деп отырғаным - табиғатқа жиі шығып, қоқыс тастаймыз, бұл өртке ықпал етеді. Біз Қостанайда найзағай разряды сияқты табиғи құбылысты бірден жоққа шығардық. Сондықтан тергеу органдары адам факторының болуы нұсқасын қарастыруда. Бұл қасақана жасалды ма, абайсызда болды ма, тергеу анықтайды», - деді министр.
Taulik.kz