Украина болашақта өзінің қауіпсіздігіне кепілдік беретін шарттар негізін дайындауда. Бұл туралы 13 қыркүйекте президент кеңсесінің басшысы Андрей Ермак мәлімдеді, деп хабарлайды Taulik.kz сайты.
"Біз Киевтегі қауіпсіздік туралы келісім одақтас елдер мен Украинаның негізгі тобын біріктіреді деп күтеміз. Кепіл беруші мемлекеттер тобы: АҚШ, Ұлыбритания, Канада, Польша, Италия, Германия, Франция, Австралия, Түркия, сондай – ақ Солтүстік Еуропа мен Балтық, Орталық және Шығыс Еуропа елдерінен тұруы мүмкін", - деді Андрей Ермак.Сонымен қатар, кепіл беруші мемлекеттер арасында барлығы үшін ортақ негізгі шарттан басқа қауіпсіздікті қолдау мәселелерінде елдер арасындағы қатынастардың егжей-тегжейлі аспектілерін реттеуге тиіс екі жақты шарттар жасалуы мүмкін.
Президент Владимир Зеленский: «Бұл өте маңызды қадам» - деп атап өтті.Мемлекет басшысы сарапшылар тобына аталған жобаны аяғына дейін жеткізулеріне тілектестік білдірді. Президенттің пікірінше, болашақ келісімге ең қуатты мемлекет басшыларының қол қоюы өте маңызды. Ал саясаттанушы Олег Пономар НАТО-ға мүше болу жеткілікті екенін, қауіпсіздікті қамтамасыз етуге кепілдік беретін басқа құжаттарға қол қоюдың қажеті жоқ екенін айтады.
Taulik.kz