Әуежайда FlyArystan рейсіне тіркелу ақылы болады

10 қаңтардан бастап Қазақстанның барлық әуежайларында FlyArystan рейстеріне тіркелу ақылы болды, деп хабарлады әуе компаниясы. Енді әуежайда арзан авиарейстерге тіркелу жолаушы алдын ала төлесе 500 теңге, ал ұшар алдында терминалда төлесе 1000 теңге тұрады. FlyArystan қолданбасында немесе веб-сайтында онлайн тіркелу тегін болып қалады.

«Біздің халықаралық бағыттар үшін онлайн тіркелу уақытша қолжетімсіз, сондықтан халықаралық рейстерге әуежайда тіркелу әлі де тегін», - деп хабарлады әуе компаниясы.