Үйінді астынан өлі табылған адам жерлеу рәсімінде оянып кетті

Сирияда зілзала кезінде қаза тапты деп болжанған жергілікті тұрғын жерлеу рәсімі өтетін күні есін жиды, деп хабарлайды taulik.kz Халық үніне сілтеме жасап. Ахмед әл-Мағриби жойқын жер сілкінісі кезінде өзі тұрған үйдің қирандыларының астында қалған. Дәрігерлер оның қайтыс болғанын хабарлап, ол екі күн бойы мәйітханадағы тоңазтқышта жатқан. Алайда ол жерлеуге бірнеше минут қалғанда есін жиып, белгі берген. Мұны байқаған туыстары оны ауруханаға жіберген. Дәрігерлер қазір оның жағдайы тұрақты екенін айтты.