«Қырым кімдікі?» – Қаржы министрі сұраққа жауап бере алмады (ВИДЕО)

Қазақстан Республикасы Премьер-Министрінің орынбасары-Қаржы министрі Ерұлан Жамаубаев «Қырым кімдікі?» деген сұраққа жауап бере алмады, деп хабарлайды taulik.kz. КазТАГ басылымына сілтеме жасап.

«Дәл қазір сіз ресейлік үш аймақтағы – Қырым, Магадан және Калининградтағы салық жүйесі туралы айттыңыз. Дұрыс түсінсек, сіз қаржы вице-премьері ретінде Қырымды Ресейдің жері деп мойындап тұрсыз ғой?», - деп сұрады журналист сенаттың кулуарында.

«Бұл протокол АЭА-тағы үштікке қатысты деп өз жауабымды айтып өттім, оның ішінде сіз атап өткен Калининград, сонымен бірге Қырым және Магадан бар. Бұл атау – арнайы экономикалық аймақ деп аталады. Мен Қырым – Ресейдікі деген сөзді айтқан жоқпын. Мен АЭА-дағы үштік туралы айттым, оның ішінде Қырым да бар», - деді министр.