Таулы Қарабақта армян полициясы мен Әзербайжан әскері қақтығысты

Таулы Қарабақта Арменияның полициясы мен Әзербайжанның әскерлері арасында қарулы қақтығыс болды, жараланғандар мен қаза тапқандар бар, деп хабарлайды taulik.kz Azattyq Ruhy агенттігіне сілтеме жасап. Екі тарап қақтығысқа қатысты әртүрлі мәлімдеме жасаған: Әзербайжан тарапының айтуынша, олар армян полициясының оқ-қару артқан көлігін тексермек болған, ал армян полициясының нұсқасы бойынша, қызметке кетіп бара жатқан полиция қызметкерлерін Әзербайжан әскерилері қоршауға алған. Айта кету керек, оқиға Таулы Қарабақтың әкімшілік орталығына апаратын жолда болған. Бұл аумақ үш айдан бері толықтай Әзербайжан әскерінің қоршауында тұр. Әзербайжанның Қорғаныс министрлігі екі әскеридің қаза тапқаны туралы хабарлап отыр.