Тоқаев пен Путин алдағы жоспарларын талқылады

Мемлекет басшысы Қасым-Жомарт Тоқаев Ресей президенті Владимир Путинмен телефон арқылы сөйлесті, деп хабарлайды taulik.kz. Олар екіжақты қарым-қатынастың қазіргі жағдайы мен оны одан әрі нығайту перспективасын осыған дейін жоғары деңгейде қол жеткізілген уағдаластықтарды жүзеге асыру аясын талқылады. Соның ішінде көлік-транзит бағдарларын кеңейту және сауда-экономикалық байланыстарды одан әрі нығайту мәселелеріне айрықша назар аударылды. Сонымен қатар ел басшылары алдағы уақытқа жоспарланған іс-шаралар кестесін қарастырды.