Ақтөбенің төрт ауданы су басу аймағында болды, деп хабарлайды taulik.kz сайты kaztag-қа сілтеме жасап.
«Ақтөбе облысының әкімі Ералы Тоғжановтың тапсырмасы бойынша Ақтөбеде ауа температурасының күрт көтерілуіне, жауын-шашынның көп болуына байланысты мердігерлер күшейтілген режимге көшті, қар шығару және еріген суды сору жұмыстары тәулік бойы жүргізіліп жатыр. Ақтөбе қалалық тұрғын үй-коммуналдық шаруашылық бөлімінің бас маманы Ернар Қалауовтың айтуынша, облыс орталығының аумағында су басу қаупі бар төрт аудан бар: ГМЗ, Шанхай, Мәскеу және Жилгородок», - деп бөлісті Ақтөбе облыстық баспасөз қызметі.Жергілікті биліктің мәліметінше, 5-7 наурыз аралығында мердігерлер 135 бірлікті мамандандырылған техника мен жасақтарды жұмылдырып, Мәскеу ауданының көшелерін толығымен қардан тазартты.
«ГМЗ аймағында, бұрын тазартылған аумақтарда қайтадан қардан тазалау жұмыстары жүргізілуде. Мұндағы 40 көшенің 15-інде қар толығымен шығарылды, бесеуінде жұмыс жалғасып жатыр. Қазір бригадалар су басқан көшелердің біріне – Түрксібке тартылды. Күндіз-түні 35 бірлік арнайы техника, тартамыз, соның ішінде бес жүк тиегіш, 30 самосвал», - дейді ТКШ бөлімінің өкілі.Мердігерлер екі-үш күннің ішінде ГМЗ аймағындағы жұмыстарды аяқтауға уәде беріп отыр.
«Құрмыш аумағы мен Шанхай ауданында бес бригада тәулік бойы жұмыс істейді. Техника жеткілікті. Жалпы, қыс басталғалы полигонға 205 мың текше метр қар шығарылды. Тәулік ішінде 11 мың текше метр еріген су сорылды», - деп хабарлады облыстық әкімдік.