Гүлмира Сатыбалдының істі тергеу барысында Қазақстаннан қашпақшы болғаны анықталды

Гүлмира Сатыбалдының атышулы қылмыстық ісіне қатысты алдын ала тыңдау барысында жаңа қызықты жайттар анықталды. Анықталғандай, күдікті Қазақстаннан қашып кетпек болған. Бір қызығы, оның бұрынғы күйеуі Қайрат Сатыбалды да елден қашпақ болған кезде ұсталды,деп хабарлайды taulik.kz сайты ztb.kz-ке сілтеме жасап. Айыпталушының адвокаты Әсел Рабатова Гүлмира Сатыбалдының балалары мен немерелері бар екенін айтып, «оған толық оқшаулану қиынға соғады» деп, қорғауындағы бұлтартпау шарасын өзгерту туралы өтінішін әлі де жалғастырып жатыр. Дегенмен, прокурор Альмира Қожахметова Сатыбалдыны үйқамаққа шығармау керек деп есептейді, өйткені сотқа дейінгі өндірісте «сотталушы Гүлмира Сатыбылды шекарадан өтпек болған» деген фактілер белгілі болған. Еске салайық, Қайрат Сатыбалдының бұрынғы әйелі озбырлық жасап, адам ұрлап және Универсиада-2017 нысандарын жөндеуге бөлінген бюджет қаражатын жымқырды деп айыпталып жатыр. Айта кетейік, оның бұрынғы күйеуі қазірдің өзінде колонияда жазасын өтеп жатыр.