Тоқаев Си Цзиньпинді Қытай Президенті лауазымына қайта сайлануымен құттықтады, деп хабарлайды taulik.kz сайты ztb.kz-ке сілтеме жасап. Тоқаев Си Цзиньпинді Қытай Халық Республикасының Төрағасы лауазымына қайта сайлануымен құттықтап, жеделхат жолдады.
«Сіздің дана саясатыңыз Қытайдың жарқын болашағы мен гүлденуіне қол жеткізудің мызғымас іргетасы болатынына нық сенемін.Қазақстан мен Қытай арасындағы тығыз байланыстардың ауқымы жыл сайын кеңейіп келеді. Бұл табыстардың барлығы Сіздің жеке үлесіңіз бен қажымас қолдауыңыздың жемісі деп білемін», - делінген жеделхатта.Қазақстан Республикасының президенті Си Цзиньпиннің Қытайда екі жыл оқшауланғаннан кейін шетелге алғашқы сапарын еске алды.
«Өткен қыркүйекте Сіздің Қазақстанға жемісті сапарыңыз ынтымақтастығымыздың келесі «алтын 30 жылдығына» жол ашқаны ерекше қуантады», - делінген жеделхатта.