Атырау қаласында әйел адам мұздың астына түсіп кеткен

Атыраулық құтқарушылар мұз астына кеткен әйел адамды құтырады, деп хабарлайды taulik.kz сайты ҚР ТЖМ-не сілтеме жасап.  2023 жылғы 10 наурыз күні сағат 21:49-да 101 пульіне Атырау қаласындағы «Элита» мейрамханасының тұсында белгісіз адам суға батып кеткені туралы шақырту түскен. Жедел-құтқару жасағының құтқарушылары мен жедел кезекші оқиға орнына жеткен кезде, әйел адамның жолды қысқарту мақсатында мұз үстімен өтпек болып, кенеттен аяқ асты  мұз ойылып, суға батып кеткені анықталды. Құтқарушылардың жедел әрекетінің нәтижесінде 1979 жылы туған әйел адам құтқарылды. Құтқарушылар оған алғашқы медициналық көмек көрсетіп, облыстық ауруханаға жеткізді.