Астанада белгісіз адамдар сайлау учаскесіне жартылай жалаңаш келген

Астанада белгісіз біреулер қар жауып жатқанына қарамастан сайлау учаскесіне жартылай жалаңаш келген, деп жазады taulik.kz Massaget.kz сайтына сілтеме жасап. Бұл туралы блогер Насима Қорғанбекова Facebook-парақшасында айтты. Блогердің сөзінше, оқиға Оқушылар сарайында, №137 учаскеде болған. Айта кетейік, бүгін Қазақстанда Мәжіліс және мәслихат сайлауы басталды. Бұған дейін Президент Қасым-Жомарт Тоқаев, үкімет басшысы Әлихан Смайылов, Алматы қаласының әкімі Ерболат Досаев және Астана әкімі Жеңіс Қасымбек дауыс беріп үлгерді.