Сайлауға барған студент сүйіктісіне ұсыныс жасады

Өскеменде сайлау науқанында студент жігіт сүйген қызына ұсыныс жасады. Оқиға қаладағы сайлау учаскелерінің бірінде болған, - деп хабарлайды Taulik. kz Massaget.kz сайтына сілтеме жасап. Көп алдында сүйіктісіне сезімін жеткізіп, батылдық танытқан жігіт С.Аманжолов атындағы университетте оқиды. Оқиға куәгерлері бұл көріністің салтанатты түрде өткендігін әлеуметтік желіде жарыса жазуда. Бұндай ұсыныс күтпеген Ләйлә Төлеубекова С.Аманжолов атындағы ШҚУ-да оқиды. Десе де батыл қадамға барған Арман Скендіровтің бұл әрекетіне сын айтқандар да жоқ емес. Желіде жұрттың пікірі екіге жарылып, бірі мұны ерсі әрі шенеунік болуға жасалған алғашқы қадам десе, енді бірі екі жасқа бақыт тіледі.