Алматы полициясы Наурыз мейрамын тойлау кезінде көлік қозғалысы шектелетіні туралы хабарлады, - деп хабарлайды Taulik.kz сайты Tengrinews.kz сайтына сілтеме жасап. Бұрын хабарланғандай, 21 және 22 наурызда мегаполисте Наурыз мейрамын тойлауға арналған бұқаралық және ауқымды іс-шаралар жоспарланды.
"Осыған байланысты Желтоқсан, Абылай хан, Назарбаев көшелерінің бойымен Гоголь көшесінен Қабанбай батыр көшесіне дейінгі аралықта көлік қозғалысы шектеледі. Төле би даңғылы бойымен Желтоқсаннан Назарбаевқа дейін (Астана алаңында) көлік қозғалысы шектеледі", - деп хабарлады Алматы полиция департаменті.Бұл ретте Алматы полициясы аталған аумақтарда көліктерді қоюға шектеу қойылғанын хабарлайды.
«Жол қауіпсіздігін қамтамасыз ету, мереке күндері кептеліс пен жағымсыз көңіл-күйді болдырмас үшін Алматы полициясы қала тұрғындарын осы шараларға түсіністікпен қарауға, алдын ала бағытты реттеп, жол қозғалысы ережелерін қатаң сақтауға шақырады», - делінген хабарламада.