Өзбекстанда төртінші сатыдағы қатерлі ісікті емдеуге қабілетті препарат өндіріске енгізілді, деп хабарлайды Taulik.kz сайты Orda.kz-ке сілтеме жасап.
Бұл туралы Өзбекстан Ғылым Академиясының ядролық физика институтының директоры, техника ғылымдарының докторы, профессор Ильхом Садықов (Содиков) Узаға берген сұхбатында мәлімдеді.
"Бұл ақуыз лютеций-177 радиоизотопын дененің метастаздары бар жерлеріне жеткізетін көлік құралы ретінде қызмет етеді. Лютеций - 177 рак клеткаларына еніп, оларды радиоактивті сәулелерімен күйдіреді", – деп түсіндірді Садықов.
Оның айтуынша, препарат құрамына лютеций-177 радиоактивті изотопы және ақуыз қосылысы – простатаға тән мембраналық антиген-617 кіреді. Болжам бойынша, сәулелер ісіктің өзіне енеді және қоршаған сау тіндерге зиянды әсер етпейді, бұл қатерлі ісік ауруын хирургиялық араласусыз емдеуге мүмкіндік береді.
"Бұл препарат төртінші сатыдағы қатерлі ісікті емдеудің 97-99% қамтамасыз етеді. Бүкіл әлемдегі дәрігерлер оны революциялық деп атайды, бұл керемет нәтиже береді", - деді профессор.
Садықов осындай препарат 2018 жылы шетелде жасалғанын және оны бірнеше елдің дәрігерлері қолданатынын атап өтті. Алайда, Өзбекстанда өндірістің жаңа технологиясы жасалғанын, ол аналогтарға қарағанда таза және 15 есе арзан өнім алуға мүмкіндік беретінін атап өтті.
Әзірге препаратты экспорттау туралы сөз болып жатқан жоқ – оның қолданылу мерзімі бірнеше күн ғана.
