3 сәуірден бастап «Болашақ» бағдарламасына өтініш қабылдау басталады

«Халықаралық бағдарламалар орталығы» АҚ 3 сәуірде «Болашақ» бағдарламасына өтінім қабылдай бастайды, деп хабарлайды Taulik.kz сайты Azattyq Rýhy сайтына сілтеме жасап. Биыл «Болашақ» стипендиясын тағайындау конкурсына қатысу үшін өтінімдер қабылдау 4 лекте жүргізіледі. Бірінші – 9 қаңтар мен 27 қаңтар аралығында Екінші – 3 сәуір мен 28 сәуір аралығында Үшінші – 5 маусым мен 7 шілде аралығында Төртінші – 17 шілде мен 15 қыркүйек аралығында Конкурстық іріктеу 2023 жылғы 20 қаңтар мен 31 желтоқсан аралығында өтеді. Өтінімдер Egov.kz мемлекеттік қызметтер порталы арқылы қабылданады. «Болашақ» бағдарламасы аясында қазақстандықтар магистратура, докторантура, резидентура бағдарламалары бойынша білім алады және тағылымдамадан өтеді. Биыл магистратура және резидентура бағдарламаларына 395 стипендия, докторантураға 50 стипендия, тағылымдамадан өту үшін 110 стипендия бөлінді. Ұсынылатын ЖОО-лар тізімі әлемнің 27 елінен 236 университетті қамтиды. Басым мамандықтар тізбесіне 262 мамандық кірді.