Қызылордада 1 жастағы сәби құдыққа құлап мерт болды

Қызылордада 1 жастағы сәби құдыққа құлап мерт болды Қызылорда облысында есік алдындағы септикке құлаған бір жастағы сәби көз жұмды, деп хабарлайды taulik.kz облыстық ТЖД-ға сілтеме жасап. Төтенше жағдайлар департаментіне 26 наурызда сағат 12.55-те хабарлама түскен.

«Онда Сырдария ауданы Тереңөзек кентіндегі жеке тұрғын үйде 2022 жылы дүниеге келген сәби септикке құлап, көз жұмғаны айтылған. Сәби ересектердің қарауынсыз қалған. Оның мәйітін туыстары сыртқа шығарды», – деді облыстық ТЖД баспасөз қызметінің жетекшісі Айгүл Нұрманова.