UFC-де өнер көрсететін америкалық Белал Мухаммад (22-3-0-1) қазақстандық Шавкат Рахмоновпен (17-0) жекпе-жектен мән көрмей тұрғанын айтқан еді. Vesti.kz тілшісіне берген сұхбатында британиялық сарапшы Бен Смит мұндай шешімнің себебін түсіндірді, деп хабарлайды taulik.kz. Мұның алдында UFC басшысы Дана Уайт Рахмонов - Мухаммад жекпе-жегін ойластырып жатқанын мәлімдеген болатын. Белал рейтингте төртінші келеді, ал Рахмонов алтыншы орында.
«Белалға Шавкатпен айқасу қауіпті. Оның мерзімінен бұрын жеңген қарсыластары аз. Ал қазақстандық болса әмбебаптығымен де мықты. Бұл - оның негізгі басымдығы. Рахмонов жас екенін де ұмытпауы керек. Ол қазір бабында, алдағы бір-екі жылда ең жоғары деңгейде айқасады. Ал Белалдың онымен жұдырықтаспау шешімі орынды. Қазіргі таңда Шавкат дивизиондағы көптеген қарсылас үшін қауіп тудырады», - деді Смит.