Сырымбек Таудың туған қарындасы Нұргүл Тау Мәжіліс депутаты атанды, деп хабарлайды taulik.kz ulysmedia.kz сайтының инстаграм парақшасына сілтеме жасап.
"Respublica" партиясының тең төрағасы Сырымбек Тау бүгін Орталық сайлау комиссиясында журналистердің сұрағына жауап берді.
"Мен сайлаудан шеттетілгенмін, бірақ қарындасым Нұргүл білім саласында сіңірген еңбегі өте зор. Бес университет бітірген, 20 жылдай мемлекеттік қызметте болды", - деді Сырымбек Тау.
Сондай-ақ партияның үгіт-насихат жұмыстарына белсенді қатысқанын да айтты.
"Партия болған соң халыққа қызмет ету керек. Сол үшін бірге жүргенді ұнатамын", - деді ол.
