Бұл туралы Мәжіліс төрағасы Ерлан Қошанов айтты, деп хабарлайды Taulik.kz Ulysmedia.kz сайтына сілтеме жасап.
«Таяу күндері ұсынылады. Уақыты келгенде білесіздер. Қазір мен оны ашып айта алмаймын. Мемлекет басшысына кандидатураны (Премьер-Министр кандидатурасы) таяу күндері ұсынатын боламыз. Мүмкін ертең не арғы күні. Қазір процедурасын пысықтап жатырмыз. Президентпен кездесуде ұсынатын шығармыз және жалпы отырыста келісімімізді береміз», - деді Мәжіліс төрағасы.
Ерлан Қошанов дәл қазір кімнің ұсынылатыны жөнінде айта алмайтынын жеткізді.
«Партия төрағасы ретінде ол - үлкен жауапкершілік. Партия фракциясында ақылдасуымыз керек. Содан кейін мен сіздердің алдыларыңызға шығып не болмаса тиісті процедуралар арқылы сауалдарыңызға жауап беремін», - деді Мәжіліс төрағасы.