Парламент ғимаратындағы жиында әнұран шырқалған сәтте орындарынан тұрмаған екі тілшінің басы дауға қалды, деп хабарлайды Taulik.kz сайты.
Бұл туралы журналист Нұрбек Бекбау өзінің парақшасында видеомен бөлісіп, қысқаша пікір білдірді.
«Әнұран шырқалып жұрттың бәрі тік тұрғанда Тамара Вааль мен журналист Ирина Севостьянова неге былшиып отырсыздар? Басқа емес, Парламент ғимаратында тұрып, әнұраныңды менсінбеу не деген сорақылық. Гимнді мойындамау - мемлекеттілігіңді мойындамау ғой. Оғаш оқиғаны Дархан Қыдырәлі мырза назарға алуыңызды сұраймыз»,- деп бөлісті журналист.
