Мәжіліс депутаты, танымал тележүргізуші Мақсат Толықбай өкілетті органдардың жауапкершілік мәселесіне қатысты пікір білдірді, деп хабарлайды Taulik.kz сайты.
"Жалпы тек қана қымбатшылық мәселесін емес, қандай мәселе көтерсең де, жауапты орган табу өте қиын, кейде осы атқарушы органдар мен әкімдіктердің, министрлердің арасында үйлесімділік пен байланыс жоқ сияқты көрінеді. Бізде эфирде көтеретін қымбатшылық мәселесін ауыл шаруашылығы министрлігінен сұрасақ, интеграция министрлігіне, олар сосын әкімдікке, ары қарай бәсекелестікті қорғау агенттігіне сілтейді. Анау студияда кім жоқ, сол кінәлі болып шығады. Сондықтан әрине өзгеріс керек, бірінші кезекте жауапкершілік керек", - деді ол.