Шымкенттік токсикологтар сарышаянның қаупі туралы айтып, сақтануды ескертті, деп хабарлайды Taulik.kz сайты.
Orda.kz хабарлауынша, 2023 жылдың үш айында 12 адам шаян шағуының құрбаны болды. Бұл буынаяқтылар ересектерді де, балаларды да шаққан. Осы ретте 11 зардап шегушіге амбулаториялық-емханалық көмек көрсетіліп, ауруды басатын дәрілер беріліп, үйлеріне шығарылды, ал бір науқас тамшылататын дәрі қабылдау үшін ауруханада қалды.
«Сарышаян қолынан тістеп алған науқастың жағдайы орташа ауырлықта болып, әлсіреп қалған. Науқас токсикологиялық бөлімшеге жатқызылды. Шағудың белгісі – жүйке ұштары бойымен әрі қарай берілуі мүмкін қатты ауырсыну болған. Жазғы маусымда бізге күніне 3-4 адам көмек сұрайды. Егер сізді сарышаян шағып алса, ауруды басатын дәрі қабылдаңыз, одан кейін жағдай нашарласа жедел жәрдем шақырыңыз. Сарышаянның уы әсіресе балалар мен қарт адамдар үшін қауіпті. Бұл жағдайда сіз дереу дәрігерлерге хабарласуыңыз керек», - деді қалалық гипербарикалық оксигенация орталығының токсикологы Марат Кәкенов.
Шымкенттіктер сәуір айының енді басталғанына қарамастан, шаяндар белсенді бола бастағанын айтып шағымданып жатыр. Олар жеке сектордан да, көпқабатты үйлерденде кездескен. Сондай-ақ Шымкент тұрғыны желіге видеода пластик құмыраға құйылған сарышаян бар видео жариялаған болатын. Әйелдің айтуынша, бұл олардың үйлеріндегі ұстаған ең үлкен шаяндардың бірі.
«Мен оны кешкі ас әзірлеп жатып, ыдыс жуу құрылғысының ішіне картоп салынған дорбаны айналдырған кезде көрдім. Мен бұрын сарышаяндардан қатты қорқатынмын, бірақ былтыр мені бір шаян тістеп алды. Сосын мен біраз уақыт қатты қиналдым, бұл ауруды ештеңемен салыстыруға болмайды. Ал қазір үйде кішкентай баламыз бар. Сарышаяндардың үйде болуы біз үшін үлкен қорқыныш тудырды, олардан арылу үшін бәрін сынап көрдік, бірақ олардан құтыла алмадық. Көмектескені тек кірпі болса, оны да үйде ұстау қиын болды», – деді Шымкент тұрғыны.
Шымкентте шаяндардың белсенділігінің шарықтау шегі жазда басталады. Дәрігерлер азаматтардан өте сақ болуды сұрады.
