Дина Таңсәрі шетелдіктермен некеге тұру үшін салық енгізуге қарсы шықты

Дина Таңсәрі Парламент Мәжілісінің VIII шақырылымының депутаты, президенттікке экс-кандидат Қарақат Әбденнің ұсынысына қарсы шығып, оны алып тастауға петиция жариялайтынын мәлімдеді, деп хабарлайды Taulik.kz сайты. Sn.kz хабарлауынша, қоғам белсендісі өзінің Facebook парақшасында депутаттың шетелдіктермен некеге тұруға салық енгізу туралы ұсынысына түбегейлі қарсы екенін айтқан.

“Масқара, қызы грузинге тұрмысқа шыққан ана ретінде бұл ұсынысты айтқандарды сотқа беру керек деп есептеймін! Бұл – этникалық кемсітушілік! Мына құрметсіз ханым, адам құқығы туралы бірдеңе біле ме екен? Мен петиция құрып, ел Конституциясын бұзғаны үшін оны Қазақстан Парламентінен шығаруды талап етемін”, – деді Дина Таңсәрі.