Ресейдегі Қытай елшісі Чжан Ханьхуэй Батыс елдері Украина мәселесінде нұсқау бере алмайды деп мәлімдеді, деп хабарлайды Taulik.kz cайты.
«Батыс Қытайға нұсқау бере алмайды, тіпті оған жауапкершілік артуға да құзыры жоқ», - деді дипломат.Ол Бейжіңнің қақтығыстың басынан бастап бейбіт реттеу жоспарындағы күш-жігерін және екі тарапқа да қару-жарақ беруден бас тартқанын еске салды. Ханьхуэй Ресейдің Тайваньға қатысты ұстанымы Кремльдің «дөрекі күш саясатына жүгінетін» ірі державалардан қорықпайтынын көрсетеді деп қосты. 6-сәуір күні Қытай төрағасы Си Цзиньпин Макронмен екіжақты келіссөздер барысында украин дағдарысын шешудің «ғажайып емі» жоқ екенін айтып, екі жақтың да «өзара сенім жинақтау» арқылы атысты тоқтатуға жағдай жасап, бітімгершілік келіссөздерін бастау керектігін баса айтты. Франция президентінің Қытайға сапары күткен нәтиже бермеген сияқты.