«Бала тірі, бірақ...» – Қызылордада спортшы жігітті аяусыз соққыға жыққан

Қызылордада достары аяусыз соққыға жыққан спортшының видеосы жарияланды, деп хабарлайды taulik.kz cайты. Aikyn.kz хабарлауынша, Қызылорда облысы Қазалы ауданында спортшыны достары аяусыз соққыға жыққан. Облыстық Денсаулық сақтау басқармасының мәліметі бойынша 15 жастағы студент жедел жәрдеммен ауруханаға 6 сәуірде жеткізілген. Ол бас-ми жарақатын алған. Блогер Үйтолған Жанерке ауруханада жатқан баланың видеосын Facebook-тағы парақшасында жариялады.

«Бала тірі, бірақ реанимацияда. Аяусыз тепкіден кейін аудандық ауруханаға түсті. Қуандық – спортшы, таэквондошы. Оның мына күйге түскенін естіген спортшы достары қарымта қайтарамыз деп даурығады. Сол шиеленісті болдырмау үшін, аймақ пен аймақты қырқыстырмау үшін ағасы Сағындық осы видеоны түсіріп, «Қуандықтың жағдайы жақсы» дегенді көрсету мақсатында чатқа салады. Мына жерде жігіт күшті дәрілердің күшімен ғана отыр. Ауырсынуды сезбеген. Кейін теміржол ауруханасына ауыстырылған соң жансақтау бөліміне түскен. Жағдайы ауыр. Тепкілеген балалар әлі қамауға алынған жоқ. Олардың ішінде отставкадағы орган қызметкерінің баласы бар», – деді ол.