Боксшы әлем чемпионы титулын алып, WBC рейтингісіне енді

Жартылай орта салмақтағы боксшы Жанқош Тұраров таяуда жекпе-жекте жеңіске жетіп, WBC рейтингісіне енді, деп хабарлайды taulik.kz Sports.kz сайтына сілтеме жасап. Ж.Тұраров дивизион рейтингісінің жаңартылған нұсқасында 38-ші орынға шықты. Сол салмақта Қазақстанның тағы бір спортшысы Батыр Жүкембаев 35-ші орынға жайғасып, екі позициясын жоғалтты. Сергей Липинец төртінші орыннан бесінші орынға түсті. Еске салайық, 21 наурызда Жанқош Тұраров Алматыдағы бокс спортының басты жекпе-жегінде мексикалық Алехандро Менесесті мерзімінен бұрын жеңіп, бірінші жартылай орта салмақта IBO әлем чемпионы атағын жеңіп алды.