Астанада наразылыққа шыққан мұнайшылар халыққа үндеу жасады, деп хабарлайды taulik.kz Massaget.kz сайтына сілтеме жасап.
"Жаңаөзен қаласының мұнайшылары әділдік іздеп, Астана қаласына келдік. Кеше әлеуметтік желіде көріп отырған жағдайларға байланысты: біз аманбыз, деніміз сау. Ауылға қайтамыз. Алла қаласа біз де барамыз. Еш уайымдамай, жұмыстарыңызды жалғастырсаңыздар болады. Маңғыстау облысына, Жаңаөзен қаласына, барша мұнайшыларға алғыс білдіреміз", - дейді жұмысшылар.Еске салайық, бұған дейін Жаңаөзеннен барған 60-70-ке жуық адам талаптарын айтып, Энергетика министрлігі ғимаратының алдына жиналды. Бұл мәселеге қатысты "Қазмұнайгаз" өкілдері түсінік берді. Ал Үкімет отырысында елордаға келген жаңаөзендік мұнайшыларға қатысты вице-премьер Алтай Көлгінов пікір білдірді. Вице-премьердің айтуынша, бұл келіссөздер процесі де, барлығы да заң аясында шешілуге тиіс.