Атырау облысы Мақат ауылының жастары Африкадағы жетім балаларға ауызашар берді, деп хабарлайды taulik.kz сайты. Ztb хабарлауынша, балалар үйінің тәрбиеленушілеріне арналған асты Африкадағы мұсылман халқына ауызашар беретін қор ұйымдастырған. Аталған қорға Мақат ауылының белсенді жастары ақша аударып, Қасиетті Рамазан айында игі іске себепші болыпты.
«Африка мұсылмандары ауыздарын қара сумен ашатынын естігенде ас беру ойы туындады. Олардың күнкөріс деңгейлері өте төмен. Оның үстіне, елімізде ауызашар беріп жатқандар өте көп. Өңірлердегі әрбір мешітте де олар күнделікті тегін ұйымдастырылады. Аталмыш елдегі халықтың жағдайына қарап шүкіршілік етсек деген ой»,- деді ұйымдастырушы азамат.