Қазақстан қылмыс деңгейі бойынша топ-40 елдің қатарына енді

Қазақстан қылмыс деңгейі бойынша әлем елдерінің рейтингінде 40-орынға шықты. Өткен жылы бұл көрсеткіш бойынша еліміз 48-орынға ие болды, деп хабарлайды Taulik.kz. Polisia.kz хабарлауынша, еліміздегі қылмыс индексі 53,77 құрады – ол неғұрлым жоғары болса, соғұрлым қылмыстық жағдай нашарлайды. Индекс сауалнамаларға негізделген елдегі жалпы қылмыс деңгейін көрсетеді. 40-тан 60 балға дейінгі қылмыс деңгейін рейтинг құрастырушылар «орташа» деп бағалап отыр. Орталық Азия елдерінен: Қырғызстан – 31, Қазақстан – 40, Өзбекстан – 99 орында. Тәжікстан мен Түркіменстан рейтингте көрсетілмеген.