Шымкенттегі пәтерлердің бірінен екі адамның мәйіті табылды

Шымкенттегі пәтерлердің бірінен екі адамның мәйіті табылды, деп хабарлайды Taulik.kz polisia.kz-ке сілтеме жасап. Қайғылы оқиға 12 сәуірде Байтұрсынов көшесіндегі көпқабатты үйлердің бірінде болған. Болжам бойынша 1951 жылы туған ер адам мен 1979 жылы туған әйел адам көмірқышқыл газынан уланып қайтыс болған. Ас үйде 4 оттықты газ плитасынан басқа жиһаздың артында орналасқан ағынды су жылытқышы өздігінен орнатылғаны белгілі болды. Ағынды су жылытқышының түтін шығаратын құбыры желдету каналына шығарылған.