Жетісу облысында 36 шенеунік жауапкершілікке тартылды

Жетісу облысында 36 лауазымды тұлға жауапкершілікке тартылды, деп хабарлайды taulik.kz. Halyq Uni сайтының жазуынша, Жетісу облысының прокуратурасымен 2,6 млрд теңге сомаға сатып алу тоқтатылды. Сондай-ақ бір көзден 85 млн теңге сомаға сатып алуды жүргізуге жол берілмеген. Мемлекеттік органдар тарапынан жіберілген негізгі бұзушылықтар біліктілік талаптарын асыра бағалау, сараптамасыз жұмыстар жүргізу (ол міндетті болған жерде), сатып алынатын тауарлардың атауын көрсету және т.б. фактілер болды. Жоғарыда көрсетілген бұзушылықтар үшін мемлекеттік органдардың 36 лауазымды тұлғасы 5,7 млн теңгеге әкімшілік жауапкершілікке тартылды. Бұған қоса тәртіптік жауапкершілікке 7 лауазымды тұлға тартылды.